[center](شاوصفك يا حلو)
حرت مدري شاوصفك حقي من احتار
اظلم بخت شعري من اوصفنك
شأشبهك جمالك فاق كل الناس
اذا رايد اشبهك بيك اشبهنك
بعيونك اوصف طولت اسبوع
واذا كلّك عمر هم ما اخلصنك
يل كلش حلو يل من قطن مخلوق
ويل جنح الفراشة استنسخوه منك
يا قمة حسن يا جامع الحلوين
انا اول مؤذن اذن بحسنك
صحت انك حلو وتشهد بهاي الناس
الله وشحلاتك يلي العسل منك
مرض مزمن صابني ورحت للعطار
قال اكل العسل وطيب اوعدنك
ومو انت العسل اي بوسة خلي نطيب
حجة انا ردتها والا ابوسنك
كنت اتمنى اشوفك واجلس انا وياك
الان بروحي تحكي وجنبي اشوفنك
تدري شكثر احبك حبي ما محدود
بكبر معنى الاحبك انا احبنك
تحياتي ..
[
الجمعة مارس 12, 2010 10:58 pm
